Mal Lam 2025 | Nunghak haiin phuba an lak
Thlatun ni 29, 2025 zan khan ICI Gospel Centenary Guest House, Sielmat ah Independent Kohran, Sielmat Kristien Thalai Pawl chun a ṭum hnina dingin Mal Lam 2025 a buotsai. Nk. Christina Zarzomawi Mal Lam 2025 thiem tak nina hauin, tangka le certificate inhlan a nih.
Mal Lam hi group point a tiem a ni a, group a inthawk mi a tam tiengah 10 chen ṭhang theia induong a nih. Mal Lam a group aiaw a ṭhang an ṭhahnem hle.
KTP Group hi Diaspora hai ṭhangin group pali a ṭhe a ni a. Veng ah group pathum umin, group pathum member hai chun an group aiawtu ding inthlang dawkin Mal Lam inruolsiekna a hin an ṭhang tawl a nih.
Kum 2022 Thlado khan KṬP Diamond Jubilee lawmna ding le inzawmin Mal Lam hi buotsai a lo ni ta a, hi tum hin vel thum/zan thum a buotsai a ni a. Tuta ṭum ruok chu zankhat a zofel nghal a nih.
2022 kum khan Mal Lam a thiem tak nina chu tlangval tieng Enoch Peter, Secretary ni lai mekin a dawng a. Mal Lam 2025 hin nunghak haiin phuba lain Nk. Christina Zarzomawiin a thiem tak nina a hung lak a. Tv. Immanuel Tuolte le Tv. Matthew Amo haiin a thiem dawttu a pahnina le a pathumna an lak. Lawmmanin tangka a thiem tak indawtin ₹ 1,500, ₹ 1,000 le ₹ 7,00 le certificate inhlan an nih.
Hi Mal Lam hi Hmar ṭawng a buotsai hlak a ni a, KTP member hai insukhlimna malama Hmar ṭawng tieng a hrietna suk belsa a ni theina dinga hieng ang inruolsiekna hi buotsai a ni a. Hun hmanga um hi InFo haiin Live in ṭha takin an mi suk suok pek bawk.
Mal Lam 2025 hi Vangai Hardware Store, Wilbur Alluminium le Tribal Motors haiin inhawng takin an mi sponsor pek a nih.
Tuta ṭum Mal Lam a hin mi 30 bawr vel an ṭhang a, thumal 41 hril indik loin a um a, thumal 101 hril indik niin a rengin thumal 142 hril a nih.













No comments